မိမိတို့ SKYNET တွင်ပြသနေသော Programs များနှင့်ပတ်သတ်၍ Channel အသီးသီးသို့ ပေးပို့လာသောစာများ၊ အကြံပေးစာများ ရရှိလေ့ရှိပါသည်။
၎င်းစာများအနက်မှ အပြုသဘောနှင့် အများကောင်းကျိုးရရှိစေမည့်စာများကို ဤကမှ အလျင်းသင့်သလိုဖော်ပြပေးပါမည်ဖြစ်ပါကြောင်းနှင့် ယခုအပါတ်အတွက် ရရှိသောစာကို ဖော်ပြပေးလိုက်ပါသည်။ 

  • ၁. (၂၀၁၅ ) ခုနှစ် စက်တင်ဘာလ (၂၁)ရက်နေ့တွင် ရရှိသောစာကို ဖော်ပြပေးလိုက်ပါသည်။
    သို့
    SkyNet
    ရုပ်သံထုတ်လွှင့်မှုဌာန
                                                                                                                                                                                                             ရက်စွဲ ၊ ၂၀၁၅ ခုနှစ်၊ စက်တင်ဘာလ (၂၁)ရက်။

    အကြောင်းအရာ ။ ။ ကျေးဇူးတင်ဝမ်းမြောက်သာဓုအနုမောဒနာခေါ်ဆိုခြင်း။

    SkyNet မှထုတ်လွှင့်သည့် အားကစားလိုင်းများ၊ သတင်းလိုင်းများ၊ ရုပ်ရှင်ဇာတ်ကားများကို အလုပ်နားချိန်များတွင် အလျဉ်းသင့်သလို ကြည့်ရှုပါသည်။ မြန်မာဇာတ်ကားများကိုလည်း အလုပ်နားသည့်ရက်တွင် အလျဉ်းသင့်သလို ကြည့်ရှုပါသည်။ မြန်မာဇာတ်ကားများကိုလည်း အလုပ်နားသည့်ရက်များတွင် အလျဉ်းသင့်သလို ကြည့်ရှုပါသည်။ စက်တင်ဘာလ ပထမပတ်လောက်တုန်းက (ရက်အတိကျမမှတ်မိ) SKYNET မှထုတ်လွှင့်ခဲ့သည့် "နတ်များဆွမ်းကပ် အဘယမထေရ်" ဇာတ်ကားကိုကြည့်ရှုမိခဲ့ပါသည်။ ယင်းဇာတ်ကားများကို ကြည့်ရှုပြီး ဗဟုသုတအတော်အသင့် ရရှိခဲ့ပါသည်။ ထို့ပြင် တခြားဘာသာများကို ပုတ်ခတ်ဝေဖန်စော်ကားထားခြင်းလုံးဝမရှိဘဲ အတွင်းစည်းထဲမှ တင်ပြပုံဖော်ထားသည်မှာလည်း ကောင်းမွန်လှပါသည်။ အနိမ့်ပါးဆုံး တိရစ္ဆာန် သတ္တဝါ ခွေးလေးတစ်ကောင်ကို စိတ်ထားသန့်သန့်နှင့်အစာကျွေးလျှင် နောက်နောင်သံသရာလည်သည့်တိုင် အကျိုးတရားကောင်းများရရှိနိုင်ကြောင်းကို သိရှိရပါသည်။ ထိုအချက်နှင့်ပင်လျှင် ဒါနအကြီးအကျယ်ပြုလုပ်ရန် မတတ်နိုင်သူ ၊ ဝင်ငွေနည်းသူ၊ ကျောင်းသားကျောင်းသူလူငယ်များလည်း ထိုဇာတ်ကားကို ကြည့်ရင်းနှင့်ပင် ဒါနပြုလု်ပရန်အတွက် စိတ်ဓာတ်ခွန်အားများ ပြည့်တင်းသွားသည်ကို တွေ့လိုက်ရပါသည်။ တိရစ္ဆာန် ခွေးလေခွေးလွင့်များကို အစာကျွေးခြင်းဖြင့် ကောင်းသောအကျိုးတရား ရရှိခံစားရသေးလျှင် မြင့်မြတ်သည့်ပုဂ္ဂိုလ်မျိုးကို ဒါနပြုလှုဒါန်းမည်ဆိုလျှင် ရရှိမည့်အကျိုးတရားသည် ဆိုဖွယ်ရာမရှိဖြစ်မည်ကို ထိုဇာတ်ကားကို ကြည့်ရင်းနှင့်ပင် သဘောပေါက်နားလည်သွားပါသည်။ ထို့အပြင် သရဏဂုံအစွမ်းထက်ပုံ၊ လောဘကြီးလျှင် အကျိုးပေးမကောင်းပုံနှင့် အနှစ်အသားရှိသည့် တရားစကားများ ပါဝင်နေသည့်အတွက် ဆောင်ရန်၊ရှောင်ရန်များကို မှတ်သားခဲ့ရပါသည်။ ယခုဘာသာရေးနှင့်သက်ဆိုင်သည့် ပညာပေးဇာတ်လမ်းကို SKYNET မှတစ်ဆင့်ကြည့်ရှုလိုက်ရသည့်အတွက် များစွာကြည်နူးပီတိဖြစ်ပြီး သာဓုခေါ်ဆိုလိုက်ပါသည်။ SKYNET လည်း များစွာ အောင်မြင်တိုးတက်မှုရှိပြီး ဘာသာနှင့် တိုင်းပြည်အကျိုး ဆထက်တပိုး သယ်ပိုးဆောင်ရွက်နိုင်ပါစေလို့ ဆုတောင်း မေတ္တာပို့သလိုက်ပါသည်။

                                                                                                                                                                                                                      ဦးရန်နိုင်လင်း(ခ)ရွှေလင်း
                                                                                                                                                                                                                      (Tour Guide )
                                                                                                                                                                                                                       M.A (English )
                                                                                                                                                                                                                       Diploma in International Law
 

Contact Address : No. 139 A/ 171 A, May Yu Housing Compound, Coner Of May Yu Street & Lower Pazundaung Road
Botahtaung Township, Yangon, Myanmar

Email Address : This email address is being protected from spambots. You need JavaScript enabled to view it.